அஹில்யாபாய் ஹோல்கர்

சமஸ்தான அதிகாரபூர்வ ஆவணங்கள், பிரிட்டிஷ் ஆவணங்கள், தேசம் முழுவதுமாகத் திருப்பணிகள் நடந்த இடங்களில் உள்ள ஸ்தல ஆவணங்கள் ஆகியவற்றிலிருந்து தொகுக்கப்பட்ட முழுமையான வாழ்க்கை வரலாறு, தமிழில் முதல் முறையாக. கங்கையைப் போன்று தூய்மையானவர்; மங்காத புகழ் கொண்டவர். - கவி மோரோ பந்த் ஆட்சியாளர்களுக்கான ஆகச் சிறந்த முன் மாதிரி ராணி. - வைஸ்ராய் எல்லன்பரோ ஆழமான தெய்வ பக்தியுடன் உலகியல் விஷயங்களை முன்னெடுத்தால் என்னவிதமான நல்மனது ஒருவருக்கு வாய்க்கும் என்பதற்கான அழுத்தமான உதாரணம் அஹில்யா பாய் ஹோல்கர். - சர் ஜான் மால்கம் பக்தியில் மட்டுமல்ல; ஆட்சி நிர்வாகத்திலும் சிறந்தவர். - பேஷ்வா மாதவ்ராவ் தனது வாழ்க்கையையும் செல்வ வளத்தையும் அதிகாரத்தையும் தெய்வ காரியங்களுக்காகவே முழுவதும் அர்ப்பணித்தவர். - ஹைதராபாத் நிஜாம்.