வாருங்கள் குரலழகரே

ஒருவர் தான் கேட்டு, கண்டு, கற்று, பட்டு உணர்ந்தவற்றுள், இதைப் பிறருக்கும் உரைக்க வேண்டும் என்று உள்ளுணர்வில் ஒரு தெறிப்பு ஏற்படும்போதுதான். அங்கே இலக்கியம் முளைக்கிறது. இப்படிப்பட்ட இலக்கியத்தில் மூன்றாம் தமிழாம் நாடக வகைமை உணர்ச்சிப் பெருக்கு நிறைந்தது. விரும்பும் காணொளிகளை எளிமையாகக் காண்பதற்கான இன்றைய நவீனத் தொழில்நுட்ப வாய்ப்பு இல்லாத வேளையில், நாடகங்கள் வானொலி மூலமாக ஒலிபரப்பாகி நிறைந்த தாக்கத்தை ஏற்படுத்தின. அப்படி மதுரை வானொலி நிலையத்திலிருந்து ஒலிபரப்பான 'பாட்டி பேசுகிறாள்', 'சக்தி, 'வாருங்கள் குரலழகரே! என்னும் மூன்று மிகச் சிறந்த நாடகங்கள் இந்நூலில் எழுத்து வடிவம் பெற்றுள்ளன. மா. கமலவேலன் எழுதியுள்ள இந்நாடகங்கள் ரசித்துச் சுவைக்கத் தக்கவை!