{"title":"pomes","description":null,"products":[{"product_id":"anbe-amuthe","title":"அன்பே! அமுதே!","description":"\u003cp\u003eவெளியில் சொல்ல முடியாத ஊமைக் காயங்களை உளவியலோடும் அணுகலாம்; உள்ளன்போடும் அணுகலாம். இது, உளவியலை அன்பால் உன்னதமாக்கிய கதை. பாட்டு க் கொரு புலவன் பாரதியால் அன்பு இங்கு அமுதமானது. கவிஞர் பாரதியின் வரிகளில் வீரம் தெறித்திடும், புதுமை நடனமிடும், பக்தி ஒளிர்ந்திடும். அது அத்தனைக்குள்ளும் ஒளிந்திருக்கும் அன்பின் வடிவங்களை அழகழகாய் வடித்து எடுத்து அன்புக் காவியமாய் அமைக்கப்பட்டுள்ளது. பிடிக்காத கல்வி, ஒட்டுதல் இல்லாத வேலை, அதனால் உண்டாகும் ஆபத்துகள் என அடுக்கடுக்காய் காரணங்களால் பாதிக்கப்படுகிறாள் கதை நாயகி அமுதா. வாழ்க்கையே வெறுத்து மூலைக்குள் ஒடுங்கிப்போகும் இடத்தில் தான் கதை ஆரம்பிக்கிறது. பாரதியின் பாடல்களை மருந்தாகக் கொடுத்து அமுதாவை மீட்டெடுக்கும் கதை. மனம் நிறைய வெறுப்பும், வேதனையும், கோபமும் கொண்டு வலி நிறைந்து வாழும் சராசரி பெண்ணின் கதையாக இதைப் பார்க்க முடியவில்லை. இந்த உலகில் வாழும் ஒவ்வொரு மனிதனுக்குள்ளும் நடக்கும் போராட்டங்களுக்கு தீர்வு காணும் முயற்சியாகவே தோன்றுகிறது. பயம், கவலை என்னும் மாயப்பேய்களை, ‘அச்சமும் துயரும் என்றே- இரண்டு அசுரர் வந்து எமையிங்கு சூழ்ந்து நின்றனர்’ என்ற பாரதியின் வரி கொண்டு விரட்டி யிருக்கும் இடம் அற்புதம். பாரதியின் பாடல்களை ஆழ உழுது கிடைத்த புதையல்களை நயமாக எடுத்து, முத்துச் சரங்களாகத் தொடுக்கப்பட்டு உள்ளது. ‘அக்னி குஞ்சொன்று கண்டேன்’ என்ற பாடலில் உள்ளபடி பாரதியின் கனவு மெய்ப்படும் வகையில் மெய் ஞானம் விதைத்திருக்கும் விதம் அருமை. உயிரோடு மட்டுமல்ல உயிர்ப்போடும் வைத்திருக்க உதவுகிறது. வாழ்க்கையை நேசிக்க கற்று தரும் நுால். – சுமித்ராதேவி\u003c\/p\u003e","brand":"தாமரை பிரதர்ஸ் மீடியா பிரைவேட் லிமிடெட்","offers":[{"title":"Default Title","offer_id":53464023761259,"sku":"BK8","price":360.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/anbeamuthe.jpg?v=1783487680"},{"product_id":"mathana-vilaasam","title":"மதன விலாசம்","description":"\u003cp\u003eசிற்றிலக்கியங்கள், தனிப்பாடல்கள் என நுரைத்துப் பொங்கிய இன்பச் சுவையை நவீன கவிதைகளின் காலத்துக்கும் நீட்டிருத்திருக்கிறார் முரளி அரூபன். நகில்நலம் பாடும் 450 நேரிசை வெண்பாக்களின் தொகையாய் ‘மதன விலாசம்’ மலர்ந்துள்ளது. தலைவன் நெஞ்சொடு கிளந்தும், எந்நாளோ என்று எக்காலம் பாடியும் போதாமல் புள்ளினங்களையும் தூது விடுகிறான். தலைவி, தோழன்(?), தோழி, செவிலி, கவிக் கூற்றுகளாகவும் இடஞ்சுட்டி பொருள்விளக்கம் தொடர்கிறது. உவமை உருவகங்களோடு ஒருபொருட்பன்மொழிக்குத் தோள்களும் துணைக்கு வருகின்றன. ஆழ்மனவோட்டங்களை அச்சு அசலாக பிரதியெடுக்க, இன்றைய கட்டற்ற கவிதைகள் முயன்றுகொண்டிருக்க, இன்னமும் அங்க வர்ணனைகளிலேயே ஆட்பட்டு நிற்கலாமா? என்ற கேள்வியும் எழத்தான் செய்கிறது. ‘அமரர் பதியினும் உயர்ந்தது பஞ்சபாண வஞ்சகன் வீதி’யென நீளும் முன்னுரை அதற்குப் பதிலாக அமைந்திருக்கிறது; முறைபிறழ்ந்து நிலைகுலைந்து நிற்கும் இன்றைய சூழலில், அகத்திணை பாடுவோம், அதனைப் போற்றுவோம் என்று, காதற்கடவுளே சாயாத கொம்புகளை வர்ணித்து வழிகாட்டிப் போயிருக்கிறான். அடியவர்கள் தப்பிவிட முடியுமா என்ன? முரளி அரூபன் வெண்டளைகளில் விளையாடியிருக்கிறார் என்றால் கோடுகளாலும் வளைவுகளாலும் அதை மொழிபெயர்த்துள்ளார் ஓவியர் ஸ்யாம்.\u003c\/p\u003e","brand":"கல்தச்சன் பதிப்பகம்","offers":[{"title":"Default Title","offer_id":53472240763243,"sku":"BK9","price":400.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/mathana-vilaasam.jpg?v=1783488163"},{"product_id":"ulloli-issaikkavithai","title":"உள்ளொளி","description":"\u003cp\u003eஉள்ளொளி இசைக் கவிதைகள் உயிர்களின் உயிரே உலகின் உணர்வே... . காதல் நிலைத்திடும் கருணையின் உருவே... தோற்றங்கள் பலவாய் தோகையின் மகிழ்வாய்... தோரண அழகாய் தோன்றும் வியப்பே... நீயின்றி புவியில் நிம்மதி இல்லை... நேசத்தை சுமக்கா தாய்மடி இல்லை... * (உயிர்களின் உயிரே..) தாகத்தைப் தீர்க்கும் தரணியின் தருவே... தளிர்களின் சிரிப்பில் வாழ்ந்திடும் உருவே மின்னலாய் புன்னகை மேகமாய் எழில்நடை... விண்ணின் விளக்கம் உன்னில் பிறக்கும் ஆறுதல் அளிக்கும் ஆறுதல் ஆவாய்... அகங்கள் உயிர்க்கும் அருமருந்து ஆவாய்... வேதனைப் போக்கும் விந்தையின் கருநீ.... விண்ணில் பூக்கும் விருட்சத்தின் மணம்நீ... (உயிர்களின் உயிரே..) மானுடம் சுமக்கும் மயக்கங்கள் தெளிய... மாயங்கள் விலக்கும் மாபூதத் திருவே... உன் விளையாட்டில் உயிர்த்தெழும் வையம்... பூமியின் தாகம் காதலாய் பூக்கும்... ஏரிக் குளங்களின் ஏக்கத்தை தீர்ப்பாய்.... ஆறாய் அமுதாய் அவதார இயல்பாய்... மானுடத் தோற்றத்தின் மாதவக் கூறே.... மாமழையாக மலர்ந்திடும் மகிழ்வே... (உயிர்களின் உயிரே..)\u003c\/p\u003e","brand":"தடாகம் வெளியீடு","offers":[{"title":"Default Title","offer_id":53784560075115,"sku":"BK1805","price":320.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/ulloli-issaikkavithai.jpg?v=1788081683"}],"url":"https:\/\/anytamilbooks.com\/collections\/pomes.oembed","provider":"Any Tamil Books","version":"1.0","type":"link"}