{"title":"Medicine","description":null,"products":[{"product_id":"gunappaadam","title":"குணப்பாடம் (அகத்தியர் சித்த மருத்துவ தாவரங்கள்)","description":"\u003cp\u003e*மூலிகை,பொட்டனிகல் ,அதன் வகைப்பாட்டியல்,வழக்கு,சங்ககால பெயர்,*ஆங்கில மற்றும் இந்திய மொழிகளில் மூலிகையின் பெயர்,*மூலிகையின் பண்புகளான -வளரும் இயல்பு,வளரும் இடம்,இலை,பூ,காய் ,கனி,விதை அமைப்பு,பூக்கும் பருவம்,காய்க்கும் பருவம்,பரவியிருக்கும் வாழ்விடம்.*மூலிகையின் ஒவ்வொரு பாகத்தின் உடைய சுவை,தன்மை(சூடு ,குளிர்ச்சி, வாயு).• மூலிகையின் பாகத்தை எடுத்து கொண்டால் ஏற்படும் உடல் மாற்றம் ,எனதெளிவாக விளக்கி உள்ளது.\u003c\/p\u003e","brand":"பஞ்சவர்ணம் பதிப்பகம்","offers":[{"title":"Default Title","offer_id":53430306177387,"sku":"BK6","price":8000.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/Gunappaadam-5.jpg?v=1782562914"},{"product_id":"ini-ellaam-nalame","title":"இனி எல்லாம் நலமே","description":"\u003cp\u003eபதின் பருவம் தொடங்கி, மாதவிடாய் நிற்றல் வரைக்கும் பெண்ணின் அகத்திலும் புறத்திலும் நிகழும் மாற்றங்களை அனைவருக்கும் புரியும் வகையில் எளிய மொழியில் விளக்கியுள்ளார் அமுதா ஹரி. இந்நூலில் இடம்பெற்றுள்ள கட்டுரைகள், ‘இந்து தமிழ் திசை’ நாளிதழின் ஞாயிறு இணைப்பான ‘பெண் இன்று’வில் தொடராக வெளிவந்தன. நேர்த்தியான உள்ளடக்கத்துக்காக அப்போதே வாசகர்களிடம் ஏகோபித்த வரவேற்பையும் பாரட்டையும் பெற்றன. இந்நூல் பெண்களுக்கானது மட்டுமல்ல; மகள், மனைவி, அம்மா எனப் பெண்களோடு பயணிக்கும் ஆண்களும் அவசியம் படித்துத் தெரிந்துகொள்வதற்கானது. பதின் பருவ மகள் ஏன் அடிக்கடி தனிமையை நாடுகிறாள், கருவுற்றிருக்கும் மனைவிக்கு ஏன் எதையும் பிடிப்பதில்லை, குழந்தை பிறந்த பிறகு மனைவியின் எரிச்சல் அதிகரிக்க என்ன காரணம், பேரக் குழந்தைகள் எடுக்கும் வயதில் அம்மாவை ஆட்டிப்படைக்கும் கவலை என்ன என்று நம்மில் பலருக்கும் பல்வேறுவிதமான கேள்விகளும் குழப்பங்களும் எழலாம். அவற்றுக்குப் பதில் சொல்லும் வகையில் அமைந்துள்ளது இந்நூல்.\u003c\/p\u003e","brand":"தமிழ் திசை","offers":[{"title":"Default Title","offer_id":53784565973355,"sku":"BK1571","price":160.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/ini-ellaam-nalame.jpg?v=1788082410"},{"product_id":"digital-bothai","title":"டிஜிட்டல் போதை","description":"\u003cp\u003e2017-ம் ஆண்டு, உலகையே உலுக்கின ‘புளூ வேல்’ மரணங்கள். ‘புளூ வேல்’ எனும் சமூக வலைதள விளையாட்டால், அந்த மரணங்கள் நிகழ்ந்தன. அவை அனைத்தும் தற்கொலை மரணங்கள். தமிழகத்திலும் சில தற்கொலைகளும், தற்கொலை முயற்சிகளும் நடந்தன. இதில் பெரும்பாலும் பதின் வயதினரும் இளைஞர்களும்தான் பாதிக்கப்பட்டனர். ‘ஏன்? எதற்கு இந்தத் தற்கொலைகள்?’ என்று ஆராய்ந்தபோது, இணையம் குறித்து பதின் வயதினர், இளைஞர்கள் ஆகியோருக்குப் போதுமான புரிதலும் விழிப்புணர்வும் இல்லாமல் போனதே காரணம் என்பது தெரிய வந்தது. சதாசர்வ காலமும் இணையத்திலேயே மூழ்கிக் கிடக்கும் அவர்களுக்கு உடல் நலம் மட்டுமல்ல, மனநலமும் சீர்கெடுகிறது என்பதையும் அந்த மரணங்கள் நமக்குக் கூறின! இதைத் தொடர்ந்துதான், ‘இந்து தமிழ்’ நாளிதழின், ‘நலம் வாழ’ இணைப்பிதழில், ‘டிஜிட்டல் போதை’ எனும் தலைப்பில், ‘பாதுகாப்பாக இணையத்தைப் பழகுவது எப்படி?’ என்பது குறித்துத் தொடர் எழுத ஆரம்பித்தார் வினோத் ஆறுமுகம். கணினி மென்பொருள் துறையைச் சேர்ந்த இவர் ஏற்கெனவே, ‘பாதுகாப்பான இணையம்’ குறித்துப் பல்வேறு ஆய்வுகளையும் களச் செயல்பாடுகளையும் மேற்கொண்டவர். அந்த அனுபவங்கள் நிறைந்த கட்டுரைகள் வாரா வாரம் வெளியாகி, வாசகர்களிடம் பெரும் வரவேற்பைப் பெற்றன.\u003c\/p\u003e","brand":"தமிழ் திசை","offers":[{"title":"Default Title","offer_id":53784567218539,"sku":"BK1579","price":89.6,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/digital-bothai.jpg?v=1788082430"},{"product_id":"sila-tharunangalum-sila-nigazhvugalum","title":"சில தருணங்களும் சில நிகழ்வுகளும்","description":"\u003cp\u003eநம் எல்லோரது நினைவிலும் ஆயிரமாயிரம் ஜன்னல்கள் கொண்ட ஞாபக அறைகள் இருக்கும். ஒவ்வொரு ஜன்னலைத் திறந்தால் ஒவ்வொரு கதை இருக்கும். நல்லது கெட்டது, இனிப்பு கசப்பு, நட்பு துரோகம் என்று நினைத்துப்பார்க்கவும் அந்த நினைவுகளில் மூழ்கிக் கடந்த காலத்துக்குச் சென்றுவரவும் அந்தக் கதைகள் கைகொடுக்கும். நம் அனுபவங்கள் முகம் பார்க்கும் கண்ணாடி என்றால் பிறரது அனுபவங்கள் உலகத்தைக் காட்டும் கண்ணாடி. மூத்தோரது அனுபவங்களில் பல நமக்குப் புதிய பாதைகளை அறிமுகப்படுத்தும். குழம்பித் தவிக்கிற மனங்களுக்குத் தெளிவைத் தரும். எண்பது வயதைக் கடந்த இதய நோய் நிபுணர் கல்யாணி நித்யானந்தனின் அனுபவங்களும் அதைத்தான் செய்கின்றன. கரோனா ஊரடங்கு நாட்கள் ஒவ்வொருவருக்கும் ஒவ்வொரு விதமாக அமைய கல்யாணி நித்யானந்தனுக்கோ தன் மனத்தின் அடியாழத்தில் கூழாங்கற்களைப் போலப் பரவிக் கிடக்கும் நினைவுகளை ஒவ்வொன்றாகக் கையில் எடுத்துக் கதைசொல்லும் பேறைத் தந்தன. பரண்மேல் போட்டுவைத்திருந்த பழைய டிரங்க் பெட்டியைத் திறந்து அதற்குள் இருக்கும் ஒவ்வொரு பொருளுக்கும் ஒவ்வொரு கதையைச் சொல்லும் நம் வீட்டுப் பெரியவர்களைப் போல அவ்வளவு அணுக்கமாகச் சம்பவங்களைக் கோத்திருக்கிறார் கல்யாணி. அவரது பால்ய கால நினைவுகள் தொடங்கி, கல்லூரிக் காலம், மருத்துவப் பணி, மறக்க முடியாத மனிதர்கள், வெளிநாட்டுப் பயணம், மருத்துவ ஆலோசனைகள், முதியோர் நலன் என்று வாழ்க்கையின் சகல பரிமாணங்களையும் சுவைபட விவரித்திருக்கிறார்.\u003c\/p\u003e","brand":"தமிழ் திசை","offers":[{"title":"Default Title","offer_id":53784567710059,"sku":"BK1594","price":128.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/sila-tharunangalum-sila-nigazhvugalum.jpg?v=1788082464"},{"product_id":"indiavin-thadupoosi-valarchi-kathai","title":"இந்தியாவின் தடுப்பூசி வளர்ச்சிக் கதை","description":"\u003cp\u003eஒவ்வொரு தனி மனிதரும் ஆரோக்கியமாக இருக்கவே விரும்புவர். தனி மனிதர்கள் ஆரோக்கியமாக இருந்தால்தான் ஒட்டு மொத்த நாடும் ஆரோக்கியமாக இருக்கும். அதற்கு கடுமையான நோய்களை ஒழிக்கும் நடவடிக்கையில் ஒரு நாடு வெற்றி பெற்றாக வேண்டும். அப்படி நோய்களை ஒழிக்க கடைசிக் குக்கிராமம் வரை மருத்துவ வசதிகள், கடும் நோய்களுக்கு எதிரான தொடர் கண்காணிப்புகள், மருந்துகள், தடுப்பூசிகள் என்று தீவிர நடவடிக்கைகளை ஒரு நாடு மேற்கொண்டால்தான் வெற்றி பெற முடியும். அவ்வாறு பெரியம்மை உள்ளிட்ட நோய்கள் இந்தியாவில் தடுப்பூசி மூலம் ஒழிக்கப்பட்டுள்ளன. தடுப்பூசிகள் வளர்ச்சியில் இந்தியா உலக அரங்கில் எவ்வாறு உயர்ந்து நிற்கிறது என்பதை சுவைபடச் சொல்கிறது இந்த புத்தகம். வழக்கமாக மருத்துவம், நோய்கள் சம்பந்தப்பட்ட புத்தகம் என்றாலே தொடர்ந்து படிக்கும்போது ஒரு சோர்வு தட்டும். அதுபோன்ற சோர்வு எதுவும் இல்லாமல் தடுப்பூசி வளர்ச்சியில் இந்தியா எப்படி படிப்படியாக வளர்ச்சி அடைந்து உலகத்துக்கே வழிகாட்டியாக விளங்குகிறது என்பதை நம் கையைப் பிடித்தபடி அழைத்துச் சென்று உலாவிக்கொண்டே சுவாரசியமாக கதையைச் சொல்வது போல விறுவிறுப்பாக விவரிக்கிறார் ஆசிரியர்\u003c\/p\u003e","brand":"தமிழ் திசை","offers":[{"title":"Default Title","offer_id":53784568201579,"sku":"BK1608","price":224.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/indiavin-thadupoosi-valarchi-kathai.jpg?v=1788082495"},{"product_id":"marunthum-magaththuvamum","title":"மருந்தும்.. மகத்துவமும்...!","description":"\u003cp\u003eநம் உடலைப் பற்றிய அக்கறை கொள்வதன் மூலம், நம் வீட்டுக்குள் உணவுப் பழக்க வழக்கத்தில் மாற்றம் செய்வதன் மூலம் பெரும் மாற்றத்தை ஏற்படுத்த முடியும்.\u003c\/p\u003e","brand":"தமிழ் திசை","offers":[{"title":"Default Title","offer_id":53784568693099,"sku":"BK1618","price":160.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/marunthum-magaththuvamum.jpg?v=1788082513"},{"product_id":"udalukkul-oru-raanuvam","title":"உடலுக்குள் ஒரு ராணுவம்","description":"\u003cp\u003eகோவிட்-19 பெருந்தொற்று தொடங்கிய காலத்தில் மக்கள் மத்தியில் நிலவிய குழப்பங்கள் ஏராளம். கரோனா வைரஸ் எப்படியானது, அது பரவும் விதம், பாதிப்புகளின் வீரியம் எப்படியானது எனப் பல கேள்விகள் நிலவின. அரசு சார்பில் அதற்கான விளக்கங்கள் அளிக்கப்பட்டாலும், மிகச் சிக்கலான அந்த மருத்துவப் பிரச்சினையை எளிய தமிழில் சொல்வதற்கு மருத்துவர் கு.கணேசன் போன்ற மருத்துவ நிபுணர் தேவைப்பட்டார். கணேசன் மருத்துவர் மட்டுமல்ல; புனைவெழுத்திலும் அனுபவம் கொண்டவர். மருத்துவம், சுகாதாரம் தொடர்பான உயர் தொழில்நுட்பப் போக்குகளை எளிய உதாரணங்களுடன் பள்ளி மாணவர்களுக்கும் புரியும் மொழியில் எழுதும் அரிய சான்றோரில் ஒருவர்.இயல்பான ஒப்புமைகளுடன் இவர் எழுதும் எந்த ஒரு புதிய விஷயமும், ஒரே வாசிப்பில் உங்கள் சிந்தையில் இடம்பிடித்துவிடும். இந்து தமிழ் திசையின் கருத்துப் பேழை, இணைப்பிதழ்கள், செய்திப் பக்கங்கள் என இவரது கட்டுரைகளும் கருத்துப் பதிவுகளும் இடம்பெறாத பகுதிகளே இல்லை எனலாம். அந்த வகையில், ‘காமதேனு’ வார \/ மின்னிதழில் இவர் எழுதிய ‘உடலுக்குள் ஒரு ராணுவம்’ தொடர் தமிழ் வாசிப்புலகில் மிக மிக முக்கியமானது. வெளியானபோதே ஒவ்வொரு வாரமும் பல்வேறு தரப்பினரின் பாராட்டைப் பெற்றது.நோய்க்கிருமிகளின் வடிவம் குறித்த எளிய உதாரணங்கள், மனித உடலில் நுழையும் கிருமிகளை எதிர்கொள்ள உடலில் இயல்பாகவே அமைந்திருக்கும் ‘ராணுவ’ அமைப்பின் செயல்பாடுகள், மருந்துகள் - தடுப்பூசிகள் உள்ளிட்டவை நோய்க்கு எதிராகச் செயல்படும் விதம், நோய் எதிர்ப்பு சக்தியின் வகைகள், எதிரணுக்கள், நுண்ணுயிரிகள், தடுப்பாற்றல் மண்டலம், பெரியம்மை, சின்னம்மை, போலியோ, எய்ட்ஸ், எபோலா உள்ளிட்ட நோய்களின் தன்மை, மனிதர்களின் ஆயுள்கால அதிகரிப்பிலும் உடல்நலப் பாதுகாப்பிலும் தடுப்பூசியின் பங்களிப்பு என மருத்துவ மொழியால் அத்தனை எளிதில் விளக்க முடியாத பல நுணுக்கங்களை நம் சரளமான வாசிப்புக்கு விருந்தாக இவர் படைக்கும் விதம் தனித்தன்மையானது.\u003c\/p\u003e","brand":"தமிழ் திசை","offers":[{"title":"Default Title","offer_id":53784568856939,"sku":"BK1623","price":160.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/udalukkul-oru-raanuvam.jpg?v=1788082523"},{"product_id":"mooligaiye-marunthu","title":"மூலிகையே மருந்து!","description":"\u003cp\u003eநம் வீடுகளிலும் புல்வெளிப்பகுதிகளிலும் மிகச் சாதாரணமாக வளரக்கூடிய கீழாநெல்லி மஞ்சள் காமாலைக்கான கைகண்ட மருந்து, அதேபோல நம் அஞ்சறைப் பெட்டியில் இருக்கும் பல நறுமணப் பொருட்கள் மருத்துவ குணம் கொண்டவை. இவை அனைத்துமே தாவரங்களை அடிப்படையாகக் கொண்டவை. இதுபோன்ற 50 மூலிகைகளின் மருத்துவ குணங்களையும் பயன்களையும் இந்த நூல் எடுத்துரைக்கிறது.\u003c\/p\u003e","brand":"தமிழ் திசை","offers":[{"title":"Default Title","offer_id":53784568889707,"sku":"BK1624","price":120.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/mooligaiye-marunthu.jpg?v=1788082525"},{"product_id":"mudhumaiyum-sugame","title":"முதுமையும் சுகமே","description":"\u003cp\u003eமுதியவர்களுக்கு ஏற்படும் பல்வேறு உடல்நல, மனநலப் பிரச்சினைகள் என்னென்ன, அவற்றை எப்படிக் கண்டறிவது, அவற்றுக்கு எப்படி சிகிச்சை பெறுவது, எப்படிப் பராமரிப்பது என பல சந்தேகங்கள் எழலாம். இந்தச் சந்தேகங்களுக்கு விடையளிக்கும் வகையில் சேலத்தைச் சேர்ந்த பிரபல மருத்துவர் சி.அசோக், ‘இந்து தமிழ் நலம் வாழ’ இணைப்பிதழில் முதுமையும் சுகமே என்கிற தொடரை எழுதினார். வெளியான காலத்திலேயே நல்ல வரவேற்பைப் பெற்ற இந்தத் தொடர் தற்போது புத்தகமாகியுள்ளது. முதியோர் நல மருத்துவம் என்பது இந்தியாவில் தற்போதுதான் வளர்ந்து வரும் புதிய மருத்துவப் பிரிவு. இதுவரை பொது மருத்துவர்கள், குடும்ப மருத்துவர்களே முதியவர்களுக்கும் சிகிச்சை அளித்து வந்தார்கள். தற்போது அந்த நிலை மாறிவருகிறது. முதியவர்களுக்கு ஏற்படும் பிரச்சினைகளுக்கு மேம்பட்ட வகையில் சிகிச்சை அளிக்க முதியோர்நல மருத்துவம் உதவுகிறது. அதன் அடிப்படைகளை இந்த நூலில் எளிமையாக விளக்கியிருக்கிறார் மருத்துவர் அசோக். முதியோர் நல நூல்கள் தமிழில் மிகக் குறைவாக உள்ள நிலையில், இந்த நூல் முதியோர் நலம் குறித்த தெளிவான ஒரு அறிமுகத்தைத் தரும் என எதிர்பார்க்கிறோம்.\u003c\/p\u003e","brand":"தமிழ் திசை","offers":[{"title":"Default Title","offer_id":53784568955243,"sku":"BK1626","price":120.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/mudhumaiyum-sugame.jpg?v=1788082529"},{"product_id":"kaayame-ithu-meyyadaa","title":"காயமே இது மெய்யடா","description":"\u003cp\u003eபிரபல உடல்நல எழுத்தாளரான போப்பு உடலைச் சீர்படுத்தும் வழிகளை இந்த நூலில் முன்வைத்திருக்கிறார். நம் மரபில் உள்ள நல்லனவற்றை திரும்ப நமக்கு ஞாபகமூட்டியிருக்கிறார். நம் உடலின் முதன்மை உள் உறுப்புகளான கல்லீரல், இதயம், மண்ணீரல், நுரையீரல், சிறுநீரகம் ஆகியனவற்றின் செயல்பாடுகள், அவற்றை புரிந்துகொள்வது எப்படி, மேம்பட்ட வகையில் பராமரிப்பது எப்படி என்று இந்தப் புத்தகம் விரிவாக விளக்கிச் சொல்கிறது. காயம் என்பது ஒன்றுமற்றதல்ல, ஊனும் உயிரும் சேர்ந்த உடம்பு. அதை முறையாக வளர்க்கவும் பராமரிக்கவும் தேவைப்படும் வழிகள் இந்த நூலில் கூறப்பட்டுள்ளன.\u003c\/p\u003e","brand":"தமிழ் திசை","offers":[{"title":"Default Title","offer_id":53784569250155,"sku":"BK1635","price":144.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/kaayame-ithu-meyyadaa.jpg?v=1788082546"},{"product_id":"ayurvedham-aarokiyam","title":"ஆயுர்வேதம் = ஆரோக்கியம்","description":"\u003cp\u003eஇந்திய மருத்துவ முறைகள் சார்ந்த கவனம் தற்போது அதிகரித்துவருகிறது. இந்த நிலையில், ஒவ்வொரு நோயையும் இந்திய மருத்துவ முறைகள் எப்படிக் கையாளுகின்றன, குணமளிக்கின்றன என்பது குறித்து அறிந்துகொள்ள வாசகர்களிடையே ஆவல் எழுந்தது. ‘இந்து தமிழ்’ நாளிதழ் தொடங்கப்பட்ட காலத்திலிருந்தே சில துறைகளில் கூடுதல் கவனம் செலுத்தி வந்தது. அவற்றில் மருத்துவமும் ஒன்று. மருத்துவத் துறையில் பொதுவாக அலோபதி மருத்துவ முறைக்கே அதிக முக்கியத்துவம் வழங்கப்படும். ‘இந்து தமிழ்’ நாளிதழில் நமது பாரம்பரிய மருத்துவ முறைகளுக்கும் முக்கியத்துவம் வழங்கப்பட்டது. அந்த வகையில் ஒன்றே கால் ஆண்டுக்கு மேல் டாக்டர் எல். மகாதேவன் ‘இந்து தமிழ்’ நாளிதழில் எழுதிவந்தார். இந்து தமிழ் வாசகர்கள் எழுப்பிய பல்வேறு கேள்விகளுக்கு ஆயுர்வேத மருத்துவ முறை சார்ந்து டாக்டர் மகாதேவன் பதில்களை வழங்கி வந்தார்.\u003c\/p\u003e","brand":"தமிழ் திசை","offers":[{"title":"Default Title","offer_id":53784569512299,"sku":"BK1643","price":240.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/ayurvedham-aarokiyam.jpg?v=1788082561"},{"product_id":"maanavargalukku-sooriya-namaskaaram","title":"மாணவர்களுக்கு சூரிய நமஸ்காரம் ஏன்? எப்படி?","description":"\u003cp\u003eயோகா, சூரிய நமஸ்காரம் பற்றிய அறிமுகம், இதுகுறித்த நிபுணர்களின் அனுபவங்கள், வெவ்வேறு பள்ளிகள் வழங்கும் பயிற்சி முறைகள், சுவாசப் பயிற்சிகள், அவற்றால் கிடைக்கும் பயன்கள், பொதுவாக ஏற்படக்கூடிய சந்தேகங்களுக்கு ‘கேள்வி - பதில்’ வடிவில் விளக்கங்கள் என மிகத் தெளிவாக, எளிமையான கூறியிருக்கிறார். இன்றைய மாணவர்களுக்கு யோகா, சூரிய நமஸ்காரம் எந்த வகையில் ஏற்றதாக இருக்கும் என்பதையும் தெளிவுபடுத்தியுள்ளார்.\u003c\/p\u003e","brand":"தமிழ் திசை","offers":[{"title":"Default Title","offer_id":53784569610603,"sku":"BK1646","price":80.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/maanavargalukku-sooriya-namaskaaram.jpg?v=1788082567"},{"product_id":"udal-enum-iyanthiram","title":"உடல் எனும் இயந்திரம்","description":"\u003cp\u003eஅறிவியல் என்றாலே தனி சுவாரசியம்தான். அதிலும் மனித உடல் குறித்த மருத்துவ அறிவியல் - எளிமையாக எடுத்துச் சொல்லும்போது - எல்லோரையுமே ஈர்க்கக்கூடியது. பள்ளிப் பாடங்களில் மனித உடல் குறித்த அடிப்படை விஷயங்களை மட்டுமே தெரிந்துகொள்ள முடிகிறது. அதையும் தாண்டி ஆயிரம் ஆயிரம் கேள்விகள் நம்முள் முளைத்துக்கொண்டே இருக்கின்றன. அவற்றுக்கெல்லாம் யாராவது பதில் சொல்ல மாட்டார்களா என்று ஏக்கம் வருகிறது. இந்து தமிழ்’ நாளிதழின் இணைப்பிதழான மாயாபஜாரில் ‘உடல் எனும் இயந்திரம்’ என்ற தலைப்பில் தொடராக வெளிவந்தபோது மாணவர்கள், ஆசிரியர்கள், பெற்றோர்கள், கல்வியாளர்கள் என அனைவருமே தொடர்ந்து ஆர்வத்துடன் படித்து வந்ததில் வியப்பேதும் இல்லை. நாம் சாப்பிடும் உணவு, எப்படி சக்தியாக மாறி நம் உடல் வளர்ச்சிக்கு உதவுகிறது; உள்ளங்கைக்குள் அடங்கிவிடும் இதயம் ஒரு மோட்டார் என்றால், அதை இயக்குவதற்கான மின் சக்தியை எப்படி அதுவே உற்பத்தி செய்துகொள்கிறது; கல்லீரல், மண்ணீரல், சிறுகுடல், பெருங்குடல் ஆகியவற்றின் அதிசய இயக்கங்கள் என்னென்ன; நாக்கின் நிறம் மற்றும் மாவுத் தன்மையை வைத்தே நோய்களைக் கண்டறிவது எப்படி..? இப்படி ரத்தம், மூளை என ஒவ்வொன்றாக தெளிவான அறிமுகம் தந்த இந்தத் தொடர் இப்போது புத்தக வடிவில் உங்கள் கைகளில்!\u003c\/p\u003e","brand":"தமிழ் திசை","offers":[{"title":"Default Title","offer_id":53784570200427,"sku":"BK1654","price":120.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/udal-enum-iyanthiram.jpg?v=1788082582"},{"product_id":"doctor-answers","title":"டாக்டர் பதில்கள்","description":"\u003cp\u003eமருத்துவ சந்தேகங்கள் நிறைய எழும் காலம் இது. அன்றைக்குப் பலரும் அண்டை அயலார், உறவினர்களிடம் இதற்கு ஆலோசனை கேட்டார்கள். இன்றைக்குப் பலரும் கூகுள் மருத்துவரிடம் தஞ்சமடைந்து, மருத்துவ சந்தேகங்களைத் தீர்த்துக்கொள்ள முயல்கிறார்கள். இது தேவையற்ற குழப்பத்துக்கும், நோய் தீவிரமடைவதற்கும் காரணமாகிவிடுகிறது..  டாக்டர் கு.கணேசன் 30 ஆண்டுகளுக்கும் மேலாக மருத்துவத் துறை சார்ந்து எளிய தமிழில், சாதாரண மக்களும் மருத்துவ அறிவியலை புரிந்துகொள்ளும் வகையில் விளக்கி எழுதிவருபவர். மக்களை அச்சுறுத்தாமல், அறிவூட்டும் வகையிலும் விழிப்புணர்வை அதிகரிக்கும் வகையிலும் பொறுப்புள்ள ஒரு மருத்துவராக எழுதிவருகிறார்.  ‘இந்து தமிழ் திசை’ நாளிதழ் தொடங்கப்பட்ட காலத்திலிருந்தே தொடர்ச்சியாக அவர் எழுதிவருகிறார். அவருடைய கட்டுரைகள் பரவலான வரவேற்பைப் பெற்றவை. இந்த நிலையில் வாசகர்கள் தங்களுக்கு ஏற்பட்ட மருத்துவ சந்தேகங்களை ‘இந்து தமிழ் திசை’ நாளிதழுக்கு அனுப்பினர். அதற்கு டாக்டர் கு.கணேசன் அளித்த பதில்கள் வரவேற்பைப் பெற்றன. அதுவே தற்போது நூலாகத் தொகுக்கப்பட்டு்ள்ளது.\u003c\/p\u003e","brand":"தமிழ் திசை","offers":[{"title":"Default Title","offer_id":53784571019627,"sku":"BK1678","price":128.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/doctor-answers.jpg?v=1788082624"},{"product_id":"keeraigal-desam","title":"கீரைகள் தேசம்","description":"\u003cp\u003eஊட்டச்சத்து சுரங்கம் பொதுவாக இன்றைக்கு விலை கூடிய, வெளிநாடுகளில் விளைவிக்கப்படும் காய்கறிகள், பழங்களை அதிக விலை கொடுத்து வாங்கத் தயாராக இருக்கிறோம். சாலட், பீட்சா என நமக்கு நெருக்கமில்லாத உணவு வகைகளில் அயல் கீரைகள், காய்கறிகளை கலந்து பரிமாறினாலும் சுவைக்கிறோம். ஆனால், நம் நாட்டிலேயே எளிதாகக் கிடைத்தாலும் சத்தான உணவு வகைகளில் நாம் பெரிதும் மறந்துவிட்டது கீரைகளைத்தான்.  கீரைகள் நிச்சயமாக விலை கூடியவை அல்ல. மிக எளிதாகவும் குறைந்த விலையிலும் கிடைக்கக்கூடியவை. அதிலும் நம் நாட்டில் மிகச் சாதாரணமாக நமது தோட்டங்களிலும் புழக்கடைப் பகுதிகளிலும் எளிதாக விளையும் குப்பைமேனிக் கீரை, பருப்புக் கீரை எனப் பல கீரை வகைகளைப் பார்க்கலாம். அந்தக் காலத்தில் வீட்டிலிருக்கும் சிறிய இடத்திலும் பல கீரை வகைகள் வளர்ந்திருக்கும். இன்றைக்கு நகர்ப்புறங்களில் அப்படிக் கீரை வகைகள் வளர்க்கப்படுவதைப் பெரிதாகப் பார்க்க முடிவதில்லை.  முருங்கைக் கீரை சத்துகளுக்காக உலகப் புகழ்பெற்றது. கல்யாண முருங்கை போன்றவை மருத்துவ குணம் கொண்டவை. சட்னி, துவையலுக்கு நாம் பயன்படுத்தும் கொத்துமல்லித் தழை, புதினா, கறிவேப்பிலை போன்றவையும் கீரை வகைகளே. இப்படிப் பலரும் எளிதாகவும் சுவையாகவும் சமைக்கக்கூடிய கீரை வகைகள் நம்மிடையே உண்டு. இவை சாதாரணமாகக் கிடைக்கக்கூடியவை. இவை அளிக்கும் சத்துகளோ ஏராளம்.\u003c\/p\u003e","brand":"தமிழ் திசை","offers":[{"title":"Default Title","offer_id":53784571085163,"sku":"BK1680","price":83.2,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/keeraigal-desam.jpg?v=1788082627"},{"product_id":"nalla-uanavu-nalamaana-vazhavu","title":"நல்ல உணவு நலமான வாழ்வு","description":"\u003cp\u003eஉடல் வளர்த்தேன்; உயிர் வளர்த்தேனே என்பது திருமந்திரத்தில் திருமூலர் வாக்கு. இதை அடியொட்டி, உச்சந்தலை முதல் பாதம் வரை ஆரோக்கியத்துக்கான உணவின் அவசியத்தை மிகவும் சுருக்கமாகவும் நேர்த்தியாகவும் இந்த நூலின் 30 கட்டுரைகளில் பதிவு செய்திருக்கிறார் நூலாசிரியர் டாக்டர் அமுதகுமார்.  முழு உடல் பரிசோதனை செய்வதன் அவசியம், பாக்டீரியா கிருமி, ரத்தக் கொதிப்பு, மீன்களில் பாதரசக் கழிவு போன்ற கட்டுரைகளில் நூலாசிரியரின் துறைசார்ந்த அனுபவம், படிப்பவர்களின் வாசிப்பனுபவமாக மாறும்.  நல்ல உணவில் இருக்கும் சத்துக்கள், அதை கிரகிக்கும் உடலின் பாகங்களைப் பற்றிய குறிப்புகள், சத்து சேகரமாகும் விதம், கழிவாக வெளியேறும் விதம் என, நம் உடலுக்குள் நாமே சுற்றுலாப்பயணம் சென்றுவந்த உணர்வை இந்தப் புத்தகம் படிப்பவர்களுக்கு ஏற்படுத்தும்! “தினமும் ஒரு டீஸ்பூன் அதாவது, சுமார் பத்து உலர்ந்த திராட்சை சாப்பிட்டால், உடலில் இரும்புச்சத்து அதிகமாகும். இதன்மூலம் நோய் எதிர்ப்பு சக்தி அதிகமாகும். ஆரோக்கியத்துக்கான உணவின் அவசியத்தை மிகவும் சுருக்கமாகவும் நேர்த்தியாகவும் இந்த நூலின் கட்டுரைகளில் பதிவு செய்திருக்கிறார் நூலாசிரியர் டாக்டர் அமுதகுமார்.\u003c\/p\u003e","brand":"தமிழ் திசை","offers":[{"title":"Default Title","offer_id":53784571314539,"sku":"BK1687","price":200.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/nalla-uanavu-nalamaana-vazhavu.jpg?v=1788082640"},{"product_id":"kaaichal-endral-enakku-bayam","title":"காய்ச்சல் என்றால் எனக்கு பயம்","description":"\u003cp\u003eகாய்ச்சல் வந்துவிட்டால் சோர்ந்து படுத்துவிடுவோம். உடல் எல்லாம் ஒரே வலியாக இருக்கும். சாப்பிடக் கூடிய உணவு கசப்பாக இருக்கும். சாதாரண காய்ச்சலுக்கே இந்த நிலை என்றால் வைரஸ், பாக்டீரியா மற்றும் ஒட்டுண்ணிகளால் ஏற்படும் காய்ச்சலின் பாதிப்பு இதை விட பல மடங்கு அதிகமாக இருக்கலாம். காய்ச்சலை சரியான முறையில் கண்டுபிடித்து அதற்கு உரிய சிகிச்சை எடுக்கவில்லை என்றால் உயிர் இழக்க நேரிடும். ஆகவே காய்ச்சலைப் பற்றிய விழிப்புணர்வு ஒவ்வொருவருக்கும் தேவை. சுற்றுப்புறத்தை சுத்தமாக வைத்துக் கொள்ளுதல், கொசுக்களை ஒழித்தல், காய்ச்சல் ஏற்பட்டால் உடனே மருத்துவரை அணுகி, முறையாக சிகிச்சை எடுத்துக்கொள்வது போன்ற செயல்பாடுகள் மூலம் நம்மை நாமே பாதுகாத்துக் கொள்ளலாம். நிபா வைரஸ், மலேரியா, டைபாய்டு, ஃப்ளூ காய்ச்சல், பன்றிக் காய்ச்சல், பறவைக் காய்ச்சல், எலிக் காய்ச்சல், நிமோனியா, டெங்குக் காய்ச்சல், சார்ஸ் மற்றும் கொரோனா என 25 வகையான காய்ச்சல்கள் பற்றி இந்நூலில் விவரிக்கப்பட்டுள்ளது.\u003c\/p\u003e","brand":"தமிழ் திசை","offers":[{"title":"Default Title","offer_id":53784572854635,"sku":"BK1725","price":120.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/kaaichal-endral-enakku-bayam.jpg?v=1788082712"},{"product_id":"aduppangaraiyel-aarogiyam","title":"அடுப்பங்கரையில் ஆரோக்கியம்","description":"\u003cp\u003eமருத்துவத் துறை என்பது சேவைத் துறையாகக் கருதப்படுகிறது. ஆனால் நடைமுறையில் உலகம் முழுவதும் பெரும் வணிகம் நடைபெறும் துறையாக இந்தத் துறைதான் உள்ளது. இயற்கையோடு இணைந்த வாழ்வியல் முறைகளில் ஏற்பட்ட சிக்கல்கள், மனிதனின் நல்வாழ்வில் பெரும் சரிவை ஏற்படுத்திவிட்டன. இதனால் உலகெங்கும் மருத்துவமனைகள் நிரம்பி வழிகின்றன.  பரபரப்பான இன்றைய வாழ்க்கைச் சூழல்கள் காரணமாக உடல் நலம் பராமரிப்பு என்பது பெரும் சவாலானதாக மாறியுள்ளது. சிறு வயதுக்காரர்கள் கூட பெரும் நோய்களுக்கு ஆளாகி அவதிப்பட்டு வருவதைப் பார்த்து வருகிறோம்.‘நலமோடு வாழ்தல்’ என்பது இயல்பாக இருந்த நிலை மாறிவிட்டது. இந்நூலின் ஆசிரியர் குறிப்பிடுவது போல உடல் நலம் காக்க நாம் நிச்சயமாக கொஞ்சம் நேரம் ஒதுக்கி, சற்று மெனக்கெடு செய்தால்தான் நல்வாழ்வை உறுதிப்படுத்த முடியும்.  இப்படிப்பட்ட சூழலில், உணவு முறைகள் மூலம் நம் உடல் நலம் காக்க எப்படியெல்லாம் மெனக்கெட வேண்டும் என்பதற்கு டாக்டர் விக்ரம் குமார் எழுதியுள்ள ‘அடுப்பங்கரையில் ஆரோக்கியம்’ என்ற இந்நூல் மிகச் சிறந்த வழிகாட்டியாகத் திகழ்கிறது.\u003c\/p\u003e","brand":"தமிழ் திசை","offers":[{"title":"Default Title","offer_id":53784573051243,"sku":"BK1727","price":120.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/aduppangaraiyel-aarogiyam.jpg?v=1788082716"},{"product_id":"sitham-irrukka-bayamean","title":"சித்தமிருக்க பயமேன்","description":"\u003cp\u003e‘நோயற்ற வாழ்வுக்கு உடல் ஆரோக்கியம் மட்டும் போதாது’ என்ற உண்மையை உரைத்த சித்தர்கள், ‘உடல் ஆரோக்கியத்தோடு, மன ஆரோக்கியத்தையும் சேர்த்து பராமரிப்பதன் மூலமே நோயற்ற வாழ்வு வாழ முடியும்’ என வலியுறுத்தினார்கள். இந்நூலில் நூலாசிரியர் குறிப்பிட்டிருப்பது போல, 4,448 நோய்கள் பற்றியும், அவற்றில் தீரும் நோய்கள், தீரா நோய்கள் பற்றியும், அந்த நோய்களை நீக்குவதற்கான மருத்துவம் பற்றியும் நம் சித்தர்கள் மிக விரிவாக விளக்கியிருக்கிறார்கள்.  உலகமே வியந்து பார்க்கும், தமிழர்களின் மிக உன்னதமான சித்த மருத்துவம் பற்றி தமிழில் எத்தனையோ நூல்கள் வந்திருக்கின்றன. சித்த மருத்துவ அறிஞர் டாக்டர் ஒய்.ஆர். மானெக் ஷா எழுதியுள்ள ‘சித்தமிருக்க பயமேன்’ என்ற இந்நூல், பல அம்சங்களில் மற்ற சித்த நூல்களில் இருந்து தனித்து நிற்கிறது. குறிப்பாக, நோயை விளக்குவதிலும், நோய்க்கான மருத்துவத்தை புரிய வைப்பதிலும், இந்நூல் நெடுகிலும் அறிவியல் கண்ணோட்டம் நிறைந்து இருப்பதைக் காண முடிகிறது. “சித்த மருத்துவம் என்பது, விஞ்ஞானமும் மெய்ஞ்ஞானமும் கலந்த கலவை” என்கிறார் நூலாசிரியர்.\u003c\/p\u003e","brand":"தமிழ் திசை","offers":[{"title":"Default Title","offer_id":53784573084011,"sku":"BK1728","price":200.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/sitham-irrukka-bayamean.jpg?v=1788082718"},{"product_id":"iraippai-namadhu-panappai-alla","title":"இரைப்பை நமது பணப்பை அல்ல","description":"\u003cp\u003e‘அளவோடு உண்டால் அரிசியும் அமிர்தம்தான்’ என்ற கட்டுரை, சமகாலத்தில் அரிசி உணவைப் பற்றி நிலவி வரும் தேவையற்ற அச்சங்களையும், அதன் பின்னால் இருக்கும் யதார்த்தமான உண்மைகளையும் படம் பிடித்துக் காட்டுகிறது. அரிசி சாதம் உடலைப் பருமனாக்கும் என்ற பொதுவான கருத்தை நூலாசிரியர் மிக லாவகமாக மறுக்கிறார். நம் முன்னோர்கள் ஆரோக்கியமாக இருந்ததற்குக் காரணம் அரிசி அல்ல, அவர்களின் அபரிமிதமான உடல் உழைப்புதான் என்பதைச் சுட்டிக்காட்டுவதன் மூலம், பிரச்சினை உணவில் இல்லை, நம்முடைய வாழ்க்கை முறையில்தான் இருக்கிறது என்பதை உணர வைக்கிறார்.  ‘நினைத்தாலே இனிக்கும்’ என்று தொடங்கும் சர்க்கரை குறித்த கட்டுரை, வாசிக்க இனிமையாக இருந்தாலும், அதில் சொல்லப்பட்டுள்ள தகவல்கள் கசப்பான உண்மைகளாகவும், பலருக்கும் அதிர்ச்சி அளிப்பவையாகவும் உள்ளன. “நமக்கு எது பிடிக்குமோ அதை அதிகமாகச் சாப்பிடக்கூடாது; எது பிடிக்காதோ அதை அதிகமாகச் சாப்பிட வேண்டும்” என்ற நூலாசிரியரின் அறிவுரை, இன்றைய தலைமுறைக்கு அவசியமான அறிவுரையாகும்.\u003c\/p\u003e","brand":"தமிழ் திசை","offers":[{"title":"Default Title","offer_id":53784573641067,"sku":"BK1736","price":200.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0959\/0515\/3387\/files\/iraippai-namadhu-panappai-alla.jpg?v=1788082732"}],"url":"https:\/\/anytamilbooks.com\/collections\/medicine.oembed","provider":"Any Tamil Books","version":"1.0","type":"link"}